ටෙලි නාට්‍ය ක්ෂේත්‍රය තුළ අති දක්ෂ රංගන ශිල්පිනියක් විදියට මේ දිනවල පුංචි තිරයේ විවිධ නිර්මාණ හරහා අප හමුවට එන ඇය කොයි කවුරුත් දන්නා මහේෂි මදුසංකයි. මහේෂි කියන්නේ රූප රාජිනි තරගාවලි වලට සහභාගි වෙලා තමන්ගේ රූපයට ඉහළම ජයග්‍රහණය ලබාගන්න වාසනාවන්ත වෙච්චි කෙනෙක්. ඉතින් කාටත් අමාරු කාලයේ ඇය මේ දින වල ටෙලි නාට්‍යයක අලුතින් රංගන කටයුතු භාර අරගෙන වැඩ කටයුතු කරනවා. ඇය මැස්සා කියන ටෙලිනාට්‍යයේ පොලිස් නිලධාරිනියකගේ චරිතයක් නිරූපණය කරනවා. පොලිස් නිලධාරිනියකගේ චරිතය කරන එක ඇය මුල්වරට තමයි මේ විදියට නිරූපණය කරන්නේ.පොලිස් ඇඳුම කියන්නේ එහෙම ලේසියෙන් අදින්න පුළුවන් ඇඳුමක් නෙවෙයි. ඉතින් රඟපාන්න කලින් ඒ වෙනුවෙන් අවසර අරගෙන සූදානම් වෙච්ච ආකාරය පිළිබඳව මහේෂි කිව්වේ මේ වගේ කතාවක්.
“ආවට ගියාට පොලිස් ඇඳුම අඳින්න බෑ. එහෙම ඇඳගෙන ඉන්න අයව අත්අඩංගුවට ගන්න පුළුවන් ඒ නිසා ඒ ගැන හොයලා බලලා අවසර අරගෙන තමයි මේ චරිතයට ආවේ. තවත් දෙයක් කියන්නම ඕනේ. පොලිස් නිල ඇඳුම ඇඳගෙන සැබෑ ලෙස රාජකාරි කරන නිලධාරීන් ඉටුකරන්නේ විශිෂ්ට සේවාවක්. මේ ඇඳුම ඇඳගෙන දවසම රාජකාරි කරන එක එච්චර ලේසි පහසු දෙයක් නෙමෙයි. පොලිස් සේවයේ යෙදෙන සියලුම දෙනා ගැන ගෞරවයෙන් බැලිය යුතුයි.”
ඉතින් ඒ විදිහට මේ උත්තරීතර හැකියාව පිළිබඳව අදහස් දක්වන ඇය කලා කටයුතු වගේම පෞද්ගලික ජීවිතයත් සමබර විදිහට පවත්වා ගෙන යන්න උත්සාහ දරන කෙනෙක්. මහේෂිගේ ආදරණිය සැමියා ගුවන් නියමුවෙක් කියන්න කොයි කවුරුත් දන්නවා.ඒ වගේම ඔවුන්ට දුවෙක් සහ පුතෙක් ඉන්නවා. දුවෙක් සහ පුතෙකුගේ ආදරණීය මවක් වෙච්ච මහේෂි එදාටත් වඩා අද හරිම ලස්සනයි කියලා ගොඩක් දෙනෙක් ගෙන් ප්‍රතිචාර ලැබෙනවා. ඉතින් ඒ පිළිබඳව ඇය ම කිව්වේ මේ වගේ කතාවක්.
“the game film එකේ විශේෂ දර්ශනයක් පෙන්නුවා. ඒක නරඹන්න හිර ගෙදර සිටින රංජන් අයියව ගෙන්වා ඉතින් අපිත් ඒකට ගිහින් හිටියේ. එදා කලා ක්ෂේත්‍රයේ හිටපු බොහෝ දෙනෙක් කාන්තා පිරිමි භේදයකින් තොරව මාව අගය කළා. කොහොමද ලස්සනට ඉන්න රහස මොකක්ද කියලා ඇහුවා. ඉතින් ඒත් මම ඒ වෙනුවෙන් විශේෂ දෙයක් කරන්නේ නැහැ.බබාලගෙ වැඩත් එක්ක ඉන්නේ. මහන්සි වෙලා වැඩ කරන අතරේ මම මා ගැනත් බලාගන්න අමතක කරන්නේ නැහැ.
ලස්සන වීමේ රහස ගැන කතා කරද්දී ඇය වැඩිදුරටත් කිව්වේ තමන්ගේ රූපය ගැන හිතනවා නම් අනිවාර්යෙන්ම දේශීය පාන ඖෂධ වර්ග බොහොමයක් තියෙනවා කියලා අපේ රුව ආරක්ෂා කරගන්න. තවත් බොහෝ කාලයක් ඔය විදිහටම ලස්සනට ජීවත් වෙන්නට ඇයට හැකියාව ලැබේවා කියා අපි ප්‍රාර්ථනා කරන්නෙමු.
