ආණ්ඩුව අදත් පාර්ලිමේන්තු වර්ජනයේ

1.12 update
අද (27) දින පාර්ලිමේන්තු රැස්වීම දහවල් 1 ට ආරම්භ වුවද දෙවන වරටත් ආණ්ඩු පක්ෂය සභාවට නොපැමිණ
සභාව වර්ජනය කළහ. ඒ අනුව එක්සත් ජාතික පෙරමුණ ප්‍රමුඛ විපක්ෂය පමණක් රැස්වීමට පැමිණ තිබේ.පාර්ලිමේන්තුව රැස් වූ අවස්ථාවේදී රට තුළ හටගෙන ඇති

දේශපාලන අර්බුදයත් සමඟ සංචාරක කර්මාන්තය කඩා වැටීම පිළිබදව  කල් තැබීමේ යෝජනාවත් ඉදිරිපත් කර තිබේ.
රැස්වීමට පෙර ප්‍රධාන පක්ෂ දෙකක කණ්ඩායම් රැස්වීම් පාර්ලිමේන්තු කාරක සභා කාමර තුළ ආරම්භ වූ අතර එක්සත් ජනතා නිදහස් සන්ධානයේ පාර්ලිමේන්තු කණ්ඩායම් රැස්වීම අග්‍රමාත්‍ය මහින්ද රාජපක්ෂ මහතාගේ ප්‍රධානත්වයෙන් ආරම්භ වී ඇති අතර, එක්සත් ජාතික පක්ෂයේ කණ්ඩායම් රැස්වීම රනිල් වික්‍රමසිංහ මහතාගේ ප්‍රධානත්වයෙන්ද පැවැත්විණි.