පසුගියදා උපකාරක පන්තියක් අසළදී පිහිඇනුමක් සිදු කර සිසුවෙකු මරා දැමූ මාතර විටියල පදිංචි ප්‍රධාන සැකකාර ශිෂ්‍යයා මාතර විදුහලක උසස් පෙළ ශිෂ්‍යයෙකි. ඔහු සමඟ ගැටුමට හවුල් වූ තවත් දෙදෙනෙක් මේ වන විට ප්‍රදේශය හැර පලාගොස් ඇති අතර ප්‍රධාන සැකකාර ශිෂ්‍යාගේ පියා මාතර අපරාධ විමර්ශන ඒකකය
මඟින් අත්අඩංගුවට ගෙන තිබේ. පහරදීමට පැමිණි යතුරුපැදිය ලබා දුන් මාතර හාමුගේ වත්තේ පදිංචි 18 සැකකාර පුද්ගලයකු සහ මාතර නාදුගල පදිංචි සැකකාර පුද්ගලයකු ද මේ වන විට ප්‍රදේශයෙන් පලාගොස් තිබේ.
මාතර ප්‍රදේශයේ විදුහලට ඇතුළත් වීමට පෙර මෙම සිද්ධියේ ප්‍රධාන සැකකරු ඊට කලින්
වරක් මෙම ශිෂ්‍යාගේ රැවුල කපාගෙන එන ලෙස අවවාද කළ විදුහලේ ප්‍රධාන ශිෂ්‍ය නායකයාට මොහු පහරදී තිබෙන බවත් බස් කොන්දොස්තරවරයකුටද වරක් පහරදී ඇතැයිද පොලිසියට කරුණු අනාවරණය වී තිබේ.
මෙම සිද්ධිය පෙම් පළහිලව්ක් මත ඇති විය පෙම්වතිය ලෙස අනාවරණය වූයේ මාතර තිහගොඩ පලොල්පිටියේ පදිංචි මෙවර සා.පෙ. විභාගයට පෙනී සිටීමට නියමිත ශිෂ්‍යාවකි. ඇය මෙම ඝාතක සිසුවාගේ පෙර පෙම්වතිය වූ අතර මොහුව හැර දමා මියගිය සිසුවාගේ සොයුරෙකු සමග ඇය මේ වනවිට සම්බන්ධයක් පවත්වන බව අනාවරණය විය.
මියගිය සිසුවාගේ සොයුරාට පෙර පෙම්වතාගේ වැරදි ඇය පවසා ඇති අතර ඒවා ගැන අහන්නට යාමෙන් මෙම ගැටුම් ඇතිව තිබේ. උපකාරක පන්ති ගැටුමට පෙර මාතර බස් නැවතුම්පළකදීද විශාල පිරිසක් ඉදිරියේ ඔවුන් රන්ඩු කරගෙන තිබුණි.
සිද්ධියට සම්බන්ධ පෙම්වතියගෙන්ද පොලිසිය ප්‍රශ්න කිරීමට නියමිතය.
Tags:
Trending