ඊයේ 26 සවස අරලියගහමන්දිරයේ පැවති මන්ත්‍රී කන්ඩායමේ රැස්වීමට පසුගියදා කථාබහට ලක්වූ මන්ත්‍රී වසන්ත සේනානායක යලි පැමිණ තිබුණි.
ඔහු එජාපයෙන් සන්ධානයටත් පසුව සන්දානයෙන් එජාපයටත් පැමිණි පසු නැවත එජාපයෙන් සන්දානයට ගොස් තිබූ අතර අද යළි 4 වැනි පිම්ම සිදු කරමින් එජාපයටම ඇවිත් තිබුණි.
මෙවර ඔහු තමන්ගේ අවසන් පිම්ම ලෙස මෙය හඳුන්වමින් කතාවක්ද කළේය.
තමන් පාක්ෂිකයන්ගෙන් සමාව ඉල්ලන බවත් එක්සත් ජාතික පක්ෂයේ සිට ආණ්ඩුවට එක්වූයෙත් ආණ්ඩුවේ සිට එක්සත් ජාතික පක්ෂයට එක්වීමටත්
“මම මෛත්‍රීපාල සිරිසේන ජනපතිතුමාත්, අග්‍රාමාත්‍ය මහින්ද රාජපක්ෂ මහතාත් සමග එක්වූයේ මට වැඩ කරන්න බැරිවුණ ජනතාවට යම්කිසි සේවයක් කරන්න. අවුරුදු තුනක් වෙනුවෙන් ඒ මිනිස්සුන්ට මට කිසිම දෙයක් කරන්න බැරිවුණා. රැකියාවක් කරන්න බැරිවුණා.
මම මන්ත්‍රීවරුන්ගෙන් සමාව ඉල්ලන් නෑ. නමුත් ගම්මට්ටමේ ඉන්න ජනතාවගෙන් සමාව ඉල්ලනවා. ඒ අය දාලා ගියා කියලා හිතනවානම් මම බොහොම අමාරුවෙන් මේ තීරණයට ආවේ. එක්සත් ජාතික පක්ෂයෙන් ආණ්ඩුවට එක්වුණෙත් බොහොම අමාරුවෙන්. ආණ්ඩුවෙන් මට කරපු ගෞරවය දාලා යන්නෙත් හිත් රිදීමකින්.”
Tags:
Trending